”نعیم بخاری کو قانون کا کچھ پتہ ہی نہیں“، شیخ رشیدبھی نعیم بخاری کے دلائل پر نالاں
Banner

اسلام آباد (ڈیلی خبر ) عوامی مسلم لیگ کے سربراہ شیخ رشید احمد نے نعیم بخاری کے دلائل پر عدم اطمینان کا اظہار کر دیا ۔
ایکسپریس نیوز کے مطابق سپریم کورٹ میں جاری پاناما کیس کی سماعت کے دوران تحریک انصاف کے وکیل نعیم بخاری کے دلائل کا سلسلہ جاری ہے جو شریف خاندان کے لندن فلیٹس اور مریم نواز کے زیر کفالت ہونے کو ثابت کرنے کی کوشش کر رہے ہیں ۔نعیم بخاری کے دلائل پر شیخ رشید احمد نے آج سماعت کے بعد ساتھی وکلاءسے شکوہ کرتے ہوئے کہا ہے کہ” نعیم بخاری کو قانون کا کچھ پتہ ہی نہیں “۔انہوں نے نعیم بخاری کے دلائل پر ناراضگی اور عدم اظمینان کا اظہار کرتے ہوئےمزید کہا کہ وہ اپنے دلائل سے کیس کو مزید طول دے رہے ہیں۔شیخ رشید نے آج کی کارروائی کے بعد اپنے ساتھی وکلاءسے مشاورت شروع کر دی ہے اور امکان ہے کہ کل نعیم بخاری کے دلائل مکمل ہونے کے بعد شیخ رشید آرٹیکل 62اور 63پر وزیراعظم کی تقاریر اورپارلیمنٹ میں خطاب کے دوران تضاد ثابت کرنے کے حوالے سے دلائل دیں گے ۔