سیاست میں مفاہمت جمہوریت کے لیے تھی نوازشریف کے لئے نہیں:آصف علی زرداری

لاہور(ڈیلی خبر)سابق آصف علی زرداری کا کہنا ہے کہ سیاست میں مفاہمت جمہوریت کے لیے تھی نوازشریف کے لئے نہیں،پی پی نے جمہوریت کے لیے قربانیاں دیں،ن لیگ جمہوریت کو ناکام کر کے ہماری قربانیوں کو زائل کررہی ہے۔

آصف زرداری کا بلاول ہاوس میں لاہورکے ٹکٹ ہولڈرزسے ملاقاتوں کے درمیان گفتگو کرتے ہوئے کہنا تھا کہ نوازشریف خود کو بچانے کیلیے جمہوریت اورعدلیہ کوناکام کرناچاہتے ہیں وہ عدالتوں میں مقدمات لڑنے کے بجائے عدالتوں سے لڑرہے ہیں،ن لیگ مقدمات کا سامنا کرنے کے بجائے دھونس پراترآئی ہے،ہم نے نو ازشریف کی برائیوں کےخلاف کھڑے ہو نےکافیصلہ کرلیاہے۔سابق صدر کا مزید کہنا تھا کہ ہم نے تو جھوٹے مقدمات کاعدالتوں میں سامنا کیان لیگ بھی کرے۔آصف زرداری نے کہا کہ مسلم لیگ ن پورا نظام تباہ کرنے پر تلی ہوئی ہے،نون لیگ اداروں کے ساتھ تصادم کرکے جمہوریت کی نفی کررہی ہے۔