کام کے دوران ویڈیو گیم کھیلنا دماغی صحت کے لئے مفید ہے ‘ تحقیق

لاہور ( ڈیلی خبر) اوقاتِ ملازمت میں اکثر لوگوں کو اعصابی تنا، اکتاہٹ، تھکن اور بے چینی کی شکایت ہوتی ہے لیکن اب امریکی ماہرین کا کہنا ہے کہ اگر اس دوران وہ صرف پانچ منٹ کا وقفہ کرکے ویڈیو گیم کھیل لیا کریں تو یہ شکایت بڑی حد تک دور ہوجائے گی۔تفصیلات کے مطابق کام کا دبا اور اس کے نتیجے میں پیدا ہونے والا اعصابی تنا ؤدنیا بھر کے ملازمت پیشہ افراد کا سنگین مسئلہ ہے کیونکہ ایک جانب یہ ان کی کارکردگی کو متاثر کرتا ہے تو دوسری طرف ان کی یادداشت، اکتسابی صلاحیت (نئی چیزیں سیکھنے کی صلاحیت) اور عمومی ذہانت پر بھی اثر انداز ہوتا ہے۔ اگر یہ تنا زیادہ دیر تک برقرار رہے تو اوقاتِ ملازمت کے دوران ہی شدید تھکن اور غلطیوں کی اہم وجہ بھی بن جاتا ہے۔ حساس اور اہم شعبوں سے وابستہ افراد کے لئے ایسی غلطیاں بعض مرتبہ انتہائی خطرناک بھی ثابت ہوتی ہیں اور دوسروں کے لئے جانی و مالی نقصانات کا باعث بھی بنتی ہیں۔البتہ چند برسوں سے یہ بات بھی مشاہدے میں آرہی تھی کہ کام کے دوران کچھ وقت کیل ئے ویڈیو گیمز کھیلنے والے افراد کی کارکردگی بہتر ہوتی ہے، وہ اعصابی تنا اور تھکن کا شکار بھی کم ہوتے ہیں جبکہ ان سے غلطیاں بھی کم ہوتی ہیں۔