’جو مَرد پہلی ملاقات میں یہ کام کریں خواتین ان سے شادی کیلئے کبھی بھی تیار نہیں ہوتیں‘ امیر ترین لوگوں کے رشتے کروانے والی خاتون نے کنوارے لڑکوں کو ان کی سب سے بڑی غلطی بتادی

کنبرا(مانیٹرنگ ڈیسک)لڑکیاں پہلی ملاقات میں ہی لڑکوں کے عادات و اطوار کو اچھی طرح بھانپ لیتی ہیں اور ان سے شادی کرنے یا نہ کرنے کا فیصلہ کر لیتی ہیں۔ اب امیر لوگوں کے رشتے کروانے والی ایک آسٹریلوی خاتون نے لڑکوں کی وہ غلطیاں بتا دی ہیں جن کے باعث لڑکیاں پہلی ملاقات میں ہی ان سے کبھی بھی شادی نہ کرنے کافیصلہ کر لیتی ہیں۔ میل آن لائن کی رپورٹ کے مطابق لوانے وارڈ نامی یہ خاتون آسٹریلوی شہر پرتھ کی رہائشی ہے اور امراءکے رشتے کرواتی ہے۔ اس کی ایک رشتہ کروانے کی فیس 15ہزار ڈالر(تقریباً15لاکھ روپے) سے زائد ہے۔اگلی مرتبہ اپنی بیگم سے بحث کرنے سے پہلے یہ خبر ضرور پڑھ لیں، ماہر نفسیات نے کامیابی کیلئے بہترین طریقہ بتادیارپورٹ کے مطابق لوانے وارڈ نے بتایا ہے کہ ”لڑکوں کے کردار اور روئیے کی پانچ پانچ خامیاں ایسی ہیں جن کی وجہ سے لڑکی ان سے شادی نہ کرنے کا فیصلہ کر لیتی ہے۔ کردار کی خامیوں میں جھوٹ بولنا، سگریٹ نوشی کرنا، منفی سوچ کا حامل ہونا، مغرور ہونا، خود پسند اور اپنی بالادستی منوانے والا ہونا شامل ہیں۔ روئیے کی پانچ خامیوں میں لڑکوں کا پہلی ملاقات میں ہی موبائل فون استعمال کرنا، ہوٹل کے عملے کے ساتھ بیہودہ اور گستاخانہ سلوک کرنااور ہلڑبازی کرنا، سانس کا بدبودار ہونا، اپنی سابق محبوبہ کے متعلق گفتگو کرنا اور آس پاس موجود لوگوں پر نظر رکھنا شامل ہیں۔“ لوانے کا کہنا تھا کہ ”جن لڑکوں میں یہ 10بری عادتیں ہوں لڑکیاں پہلی ملاقات میں ہی ان سے شادی نہ کرنے کا فیصلہ کر لیتی ہیں۔