خاتون کی چھاتی سے بہتی پس، ڈاکٹر نے معائنہ کیا تو اس کی وجہ دماغ میں موجود کیا چیز تھی؟ ایسا انکشاف کہ جان کر ہر خاتون احتیاط کرنے پر مجبور ہوجائے

لندن(مانیٹرنگ ڈیسک) برطانیہ میں ایک خاتون کی چھاتی بہنے لگی جسے اس نے معمولی سمجھ کر نظرانداز کر دیا البتہ کچھ دنوں بعد اس کے سرمیں درد رہنے لگا اور وہ ذہنی دباﺅ کا شکار بھی ہو گئی۔ اس پر وہ ڈاکٹر کے پاس گئی تو اس نے ایسا انکشاف کر دیا کہ خاتون کو زندگی کا سب سے بڑا جھٹکا لگ گیا۔ ڈیلی سٹار کی رپورٹ کے مطابق جس مرض کو وہ معمولی سمجھ کر نظرانداز کر رہی تھی وہ درحقیقت اس کے دماغ کے کینسر کی علامات تھیں، جو خون کا ٹیسٹ اور ایم آرآئی سکین کرنے پر تشخیص ہو گیا۔ ٹیسٹ اور سکین کے بعد ڈاکٹر نے بتایا کہ خاتون کے دماغ کے درمیان میں واقع پچوئٹری غدود میں کینسر کی گلٹی موجود ہے۔

برطانوی قصبے ویٹنگ کی26سالہ کرسٹی لین کا کہنا تھا کہ ”ڈاکٹر کے منہ سے ’کینسر کی گلٹی‘کے لفظ سن کر ہی میں سکتے میں آ گئی۔ اس کے بعد ڈاکٹرنے کیا کہا، مجھے کچھ سمجھ نہیں آ رہا تھا۔ شروع میں میری چھاتی بہنے لگی، پھر ایام میں بے قاعدگی، سردرد، چڑچڑا پن اور ذہنی پریشانی بھی رہنے لگی۔ ڈاکٹر نے مجھے بتایا کہ یہ سب میرے کینسر کی علامات تھیں جنہیں میں نظرانداز کرتی رہی تھی۔“ کرسٹی کا علاج کرنے والے ڈاکٹروں کا کہنا تھا کہ ”اس کی چھاتی اس لیے بہنی شروع ہوئی کیونکہ ٹیومر کے باعث اس کا پچوئٹری غدود ٹھیک کام نہیں کر رہا تھا اور حد سے زیادہ پرولیکٹین نامی ہارمون پیدا کر رہا تھا۔ یہ ہارمون بچے کی پیدائش کے بعد ماﺅں میں دودھ کی افزائش کا ذمہ دار ہوتا ہے۔“