انٹرنیٹ پر نوجوان لڑکی ارب پتی وکیل کی محبت میں کھو گئی، لیکن دراصل یہ آدمی کون تھا؟ بالآخر سچ سامنے آیا تو زندگی کا سب سے بڑا جھٹکا لگ گیا کیونکہ۔۔۔

لندن(مانیٹرنگ ڈیسک) انٹرنیٹ پرایک نوجوان لڑکی ایک ارب پتی وکیل کو دل دے بیٹھی۔ کچھ عرصہ بعد ہی اس شخص کے متعلق ایسا انکشاف سامنے آیا کہ لڑکی کو زندگی کا سب سے بڑا جھٹکا لگ گیا۔دی مرر کی رپورٹ کے مطابق یہ شخص کوئی ارب پتی نہیں بلکہ ایک کنگال شخص اورلڑکیوں کو محبت کا جھانسہ دے کر لوٹنے کا عادی مجرم تھا۔انٹرنیٹ پر اس نوسرباز کی ملاقات ایک لڑکی سے ہوئی جسے اس نے بتایا کہ وہ ایک بیرسٹر ہے اورگوزفورتھ کے علاقے میں اس کا 6لاکھ پاﺅنڈ (تقریباً8کروڑ 53لاکھ روپے)مالیت کا گھر بھی ہے اور اس نے ایک ریس دوڑنے والا گھوڑا بھی پال رکھا ہے۔ رپورٹ کے مطابق لڑکی پر جب اس شخص کی حقیقت کھلی تو معلوم ہوا کہ اس کنگال شخص کے پاس پھوٹی کوڑی بھی نہیں اور یہ ایک ہاسٹل میں رہتا ہے۔ یہی نہیں بلکہ لڑکیوں کو ورغلا کر لوٹنا اس کا پیشہ ہے۔اس نے لڑکی سے مختلف حیلوں بہانوں سے 19ہزار پاﺅنڈ (تقریباً 27لاکھ روپے)ہتھیائے۔ جب لڑکی کو حقیقت معلوم ہوئی تو وہ پولیس کے پاس چلی گئی۔ پولیس نے نوسرباز کو گرفتار کرکے تفتیش کی تو اس نے مزید کئی لڑکیوں کو لوٹنے کا بھی اعتراف کر لیا۔ چار لڑکیوں کو لوٹنے کا جرم ثابت ہونے پر عدالت کی طرف سے اسے دوسال اور چار ماہ قید کی سزا سنا کر جیل بھجوا دیا گیا ہے۔