فلم دیکھ کر 3 لوگوں کو قتل کرنے والے مجرم کو 3 بار عمر قید کی سزا

نیو یارک (ڈیلی خبر) فلمز کم عمر بچوں اور نوجوانوں کے ذہنوں پر کتنی اثر انداز ہوتی ہیں ، اس کا اندازہ 20 سالہ امریکی نوجوان سے لگایا جا سکتا ہے جس نے ایک فلم دیکھ کر 3 لوگوں کو قتل کردیا۔ امریکی عدالت کی جانب سے کریہہ جرم کرنے پر مجرم کو3 بار عمر قید کی سزا سنادی گئی۔امریکی خبر رساں ادارے ایسوسی ایٹڈ پریس کے مطابق ریاست انڈیانا کے دارالحکومت انڈیانا پولس میں گزشتہ سال 20 سالہ نوجوان جوناتھن کروز نے 3 لوگوں کو ڈکیتی کے بعد قتل کردیا۔ ایک ہی رات میں تین لوگوں کا بے رحمی سے قتل کرنے والا سفاک ملزم پولیس کے ہتھے چڑھ گیا جس نے اسے عدالت میں پیش کیا۔ کئی ماہ تک چلنے والے کیس کے بعد عدالت نے بے رحم قاتل کو 3 بار عمر قید کی سزاسنادی۔