وزیراعظم کے صاحبزادے حسین نواز سے تحقیقات کی اندرونی کہانی سامنے آگئی

اسلام آباد(مانیڑنگ ڈیسک)پانامہ کیس پر بنائی گئی جے آئی ٹی کی وزیراعظم کے صاحبزادے حسین نواز سے تحقیقات کی اندرونی کہانی سامنے آگئی ہے اوران کو سوالنامہ فراہم کردیا گیا ہے جبکہ بعض اداروں کی جانب سے حسین نوازسے سخت سوالات کئے گئے ہیں۔نجی ٹی وی چینل اے آ روائی نیوز نے ذرائع کے حوالے سے دعویٰ کیا ہے کہ جے آئی ٹی کی جانب سے حسین نواز کو سوالنامہ فراہم کیا گیا جس کے بعد کئی سوالوں کے جوابات دینے کیلئے حسین نواز نے مہلت کی درخواست کی ۔جے آئی ٹی نے دیئے گئے سوالوں کے جوابات مقررہ مدت پر دینے کی ہدایت کی اور ان کو 30 مئی کو دوبارہ پیش ہونے کی بھی ہدایت کی گئی۔یاد رہے کہ حسین نواز نے جے آئی ٹی کے سامنے دو گھنٹے تک اپنا بیان ریکارڈ کرایا جس کے بعد وہ میڈیا سے بات کئے بنے واپس روانہ ہوگئے۔