پشاور ہائی کورٹ نے کالعدم تنظیم کے سربراہ صوفی محمد کی درخواست ضمانت منظور کر لی، رہائی کا حکم

پشاور(ڈیلی خبر)پشاور ہائی کورٹ نے کالعدم تنظیم کے سربراہ صوفی محمد کی درخواست ضمانت منظور کر لی ، عدالت نے ان کی فوری رہائی کا حکم بھی دے دیا ہے ، انہیں حکومت مخالف تقریرودیگرمقدمات میں گرفتارکیاگیاتھا۔تفصیلات کے مطابق پشاور ہائی کورٹ نے کالعدمتنظیم کے سربراہ مولانا صوفی محمد کی ضمانت کی درخواست منظور کرلی۔عدالت نے مولانا صوفی محمد کی ضمانت کی درخواست منظور کرتے ہوئے ان کی رہائی کا حکم دے دیا۔جسٹس وقار پر مشتمل سنگل رکنی بینچ مولانا صوفی محمد کی درخواست ضمانت کی سماعت کر رہا تھا۔مولانا صوفی محمد کے خلاف حکومت مخالف نفرت انگیز تقریر کرنے اور پولیس اسٹیشن پر حملے کا سوات میں 30 جولائی 2009 کو مقدمہ درج ہوا تھا۔درخواست ضمانت میں مولانا صوفی محمد نے موقف اختیار کیا تھا کہ ان کی صحت خراب ہے اور ہر گزرتے دن کے ساتھ مزید خراب ہورہی ہے۔درخواست کی سماعت کے بعد عدالت نے صوفی محمد کی ضمانت منظور کرتے ہوئے ان کی رہائی کا حکم دے دیا۔واضح رہے کہ صوفی محمد کو سیکیورٹی فورسز نے 2009 میں پشاور سے گرفتار کیا تھا جس وقت مالا کنڈ میں فوجی آپریشن اپنے آخری مراحل میں تھا۔مئی 2015 میں مولانا صوفی محمد کے وصیت نامے کی کاپی منظر عام پر آئی تھی، جس میں ان کا کہنا تھا کہ کالعدم تحریک طالبان پاکستان (ٹی ٹی پی) کے جنگجو مسلم اور مؤمن کی ان شرائط پر پورا نہیں اُترتے جو نبی کریم صلی اللہ علیہ وسلم نے ایک مسلم اور مؤمن کے مقرر فرمائی ہیں۔انہوں نے وصیت میں اپنے داماد اور ’ٹی ٹی پی‘ کے موجودہ امیر ملا فضل اللہ کو شدید تنقید کا نشانہ بنایا اور تحریک نفاذ شریعت محمدی کے سیکڑوں رہنماؤں کے قتل اور ان کے مدارس کی بندش کا ذمہ دار بھی ٹھہرایا۔ان کا کہنا تھا کہ تحریک طالبان پاکستان کے سربراہ ملا فضل اللہ اور اس کے حواریوں کے اعمال اسلامی احکامات کے خلاف ہیں۔