”کبھی کسی لیڈر کی اس طرح تلاشی نہیں ہوئی ،پہلی بار ہورہا ہے کہ سپریم کورٹ حکمرانوں کی تلاشی لے رہی ہے“عمران خان

اسلام آباد(ڈیلی خبر)پاکستان تحریک انصاف کے سربراہ عمران خان نے کہا کہ کبھی کسی لیڈر کی اس طرح تلاشی نہیں ہوئی ،یہ پہلی بار ہورہا ہے کہ سپریم کورٹ حکمرانوں کی تلاشی لے رہی ہے۔سپریم کورٹ کے باہر پانامہ کیس کی سماعت کے بعد میڈیاسے گفتگو کرتے ہوئے عمران خان نے کہا کہ آج اصل منی ٹریل سامنے آئی ہے کہ 1.2 ارب روپے کی منی لانڈرنگ ہوئی تھی۔اسحاق ڈار نے منی لانڈرنگ کا اعتراف کیا ہوا ہے اور اسحاق ڈار کے بیان میں سب کچھ واضح ہے ۔عمرن خان نے مزید کہا کہ ن لیگ نے لوگوی کوآنکھوں میں دھول جھونکی ہوئی ہے۔خوشی ہے کہ آج سب سامنے آرہا ہے،اس کیس کیا جو بھی نتیجہ ہو اس سے پاکستان کی تاریخ تبدیل ہوجائے گی۔انہوں نے کہا کہ حدیبیہ پیپر مل کے ذریعے اربوں روپے لوٹے گئے۔پہلے مشرف نے این آرو بنایا پھر زرداری نے بھی کرپشن کو پکڑنے کیلئے کچھ نہیں کیا کیونکہ ان کے درمیان میثاق جمہوریت کے ذریعے مک مکا تھا۔سپریم کورٹ میں پانامہ کیس کی سماعت پیر تک ملتوی کردی گئی ہے۔