وفاقی وزیر داخلہ کا آج ایک اور دبنگ بیان

اسلام آباد(ڈیلی خبر)امن اور سیاسی استحکام کے بغیر ترقیاتی منصوبے مکمل نہیں ہو سکتے، 2013میں دنیا پاکستان کوخطرناک سمجھ رہی تھی، آج کوئی پاکستان کو خطرناک قرار دینے کی جسارت نہیں کر سکتا، ان خیالات کا اظہار وفاقی وزیر داخلہ احسن اقبال نے ایف سی کی پاسنگ آئوٹ پریڈ کی تقریب سے خطاب کرتے ہوئے کیا۔وفاقی وزیر داخلہ احسن اقبال کا کہنا تھا کہ دنیا 2013 میں پاکستان کو خطرناک ملک سمجھ رہی تھی اور اس سال تک مگرمچھ کی طرح ملک کو کھانے والی دہشت گردی آج ختم ہو چکی ہے۔ امن اور سیاسی استحکامکے بغیر ترقیاتی منصوبے مکمل
نہیں ہو سکتے۔ آج کوئی پاکستان کو خطرناک ملک قرار دینے کی جسارت نہیں کر سکتا، ملک کی خاطر سیکیورٹی اداروں کے جوانوں نے جانیں قربان کیں اور شہدا کی قربانیوں سے پاکستان دنیا میں عزت اور وقار حاصل کر رہا ہے۔ پاکستان آج بہتری اور ترقی کی طرف گامزن ہے تاہم ملک کا دفاع اس کی مضبوط معیشت کے ساتھ جڑا ہوتا ہے اور مضبوط معیشت ملک کو نا قابل تسخیر ہونے کی بنیاد فراہم کرتی ہے۔ ایف سی دنیا میں امن فورسز کا حصہ بھی ہے اور بین الاقوامی ادارے اس کی خدمات سے فائدہ اٹھا رہے ہیں۔