پولیس کا اقبال ٹاون میں سرچ آپریشن ، 40افراد گرفتار

لاہور (ڈیلی خبر) پولیس نے اقبال ٹاون میں سرچ آپریشن کرتے ہوئے 40افراد کو گرفتار کر لیا ہے۔تفصیلات کے مطابق لاہور کے علاقے اقبال ٹاو ن ڈویژن میں پولیس کی بھاری نفری نے سرچ آپریشن کے دوران مستقل رہائش پذیر اور کرائے کے مکانوں میں رہائش اختیار کئے ہوئے تمام لوگوں کے شناختی دستاویزات چیک کئے جبکہ ان کی بائیومیٹرک کے ذریعے شناخت بھی کی گئی۔ اس دوران پولیس نے دوران پولیس نے پورے علاقے کو اپنے گھیرے میں لے داخلی اور خارجی راستوں کو بند کئے رکھا۔ پولیس نے کرایہ داری ایکٹ ، فارن ایکٹ کے تحت اور شناخت ظاہونے پر 40افراد کو حراست میں لے لیا جن میں 4افغانی باشندے بھی شامل ہیں ۔تاہم پولیس حکام کا کہنا ہے کہ گرفتار کئے گئے افراد کو تحقیقات کے بعد شناخت ظاہر ہونے پر رہا کر دیاجائے گا۔