نواز شریف کی لاہورآمد : کہاں کہاں موبائل فون سروس بند رہے گی؟ تمام تفصیلات سامنے آگئیں

اسلام آباد (نیوز ڈیسک) حساس اداروں نے سابق نوازشریف کی لاہور آمد کے حوالے سے جی ٹی روڈ پر موبائل فون سروس بند رکھنے کے لئے خط لکھادیا ہے۔نجی ٹی وی دنیانیوز کے مطابق نوازشریف کی اسلام آباد پنجاب ہاؤس سے بذریعہ جی ٹی روڈ ریلی کی شکل میں لاہورآمد کے حوالے سے حساس اداروں نے وزارت داخلہ کو خط ارسال کرتے ہوئے موقف اختیار کیا ہے کہ سابق وزیراعظم کی ریلی سیکیورٹی رسک ہے،روٹ پر اضافی نفری تعینات کی جائے اور پورے جی ٹی روڈ پر ریلی کے دوران موبائل فون سروس منقطع رکھی جائے ۔ واضح رہے کہ نواز شریف نے پنجاب ہاؤس سے لاہور میں واقع اپنی رہائش گاہ جاتی امرہ جانے کیلئے جی ٹی روڈ کا انتخاب کیا ہے جبکہ ان کی فیملی کے دیگر افرادسرکاری طیارے کے ذریعے لاہور پہنچ چکے ہیں