یا اللہ مسلمانوں کو مسجد اقصیٰ لوٹا دے۔۔۔! امام کعبہ کا درد مندانہ خطبہ ،حاجیوں کی آنکھوں سے آنسو جاری

سعودی عالم دین شیخ ڈاکٹر سعد بن ناصر الشتری نے خطبہ حج میں کہا ہے کہ اللہ کے راستے پر گامزن رہنے میں ہی راہ نجات ہے، دعا ہے کہ اللہ تعالیٰ مسجد اقصی مسلمانوں کو لوٹا دے۔دنیا بھر سے آئے بیس لاکھ سے زائد عازمین حج کے رکن اعظم وقوف عرفات کے لئے میدان عرفات میں جمع ہوئے۔ مسجد نمرہ میں شیخ ڈاکٹر سعد بن ناصر الشتری نے خطبہ حج میں کہا کہ مسلمان پر لازم ہے کہ ان حدود کی حفاظت کرے جو اللہ نے اس کیلیے کھینچ دیں، ہم پر لازم ہے شریعت کے احکامات پرپوری طرح عمل پیراہوں، اسلام نے برائی اور فحاشی کو حرام قرار دیا ہے، کسی عربی کو عجمی، کسی عجممی کو عربی پر فوقیت حاصل نہیں، اسلام امن کا درس دیتا ہے، دعا ہے اللہ مسجد اقصی مسلمانوں کو لوٹادے، اللہ نے مسلمانوں پر پانچ نمازیں فرض کی ہیں۔شیخ ڈاکٹر سعد بن ناصر الشتری نے خطبے میں کہا کہ زیادتی مسلمان کے ساتھ ہو یا غیر مسلم کے ساتھ اسلام میں منع ہے، شریعت اسلامیہ نے والدین کی خدمت کا درس دیا، اللہ نے وعدہ کیا ایمان لانےاورنیک عمل کرنیوالوں کوزمین پرطاقت عطاہوگی، اللہ نے ایمان والوں کوزمین پر طاقت عطا کرنے کا وعدہ کیا ہے، اسلام نے ہر قسم کے غبن اور سود کو بھی حرام قرار دی، شریعت اسلامیہ کی خوبصورتی ہے کہ زمین پر زندگی کومنظم کیا، شریعت اسلامیہ نے مالی اور معاشی نظام کو بھی منظم کیا، مسلمان پر لازم ہے کہ ان حدود کی حفاظت کرے جو اللہ نے اس کیلیے کھینچ دیں۔خطبہ حج میں کہاگیا کہ اللہ نے حکم دیا ہے کہ میری عبادت کرواور میرے ہی آگے سر جھکاؤ، اللہ سے ڈرو جس طرح ڈرنے کا حق ہے، میں خود کو اور آپ سب کو خداتعالیٰ سے ڈرنے کی تلقین کرتاہوں، نصیحت کرتا ہوں کہ تقوی اختیار کرو، اللہ نے وعدہ کیا ہے متقی بندے جنت میں داخل کیے جائیں گے، نماز دین کا ستون ہے، رسول صلی اللہ علیہ وسلم کو اللہ نے امت کی رہنمائی کے لئے بھیجا ، اسلام اچھے اخلاق کی تعلیم دیتا ہے،