فلم ” ورنہ ” کو پنجاب میں بھی نمائش کی اجازت مل

لاہور ( شوبز ڈیسک) ماہرہ خان کی فلم ‘ورنہ’ کو پنجاب میں بھی نمائش کی اجازت دے دی گئی۔ وفاق اور سند ھ سنسر بورڈ نے فلم کو پہلے ہی نمائش کی اجازت دے دی ہے۔

تفصیلات کے مطابق ماہرہ خان کی فلم “ورنہ”کو پنجاب میں بھی نمائش کی اجازت دے دی گئی۔ اس سے قبل گورنر پنجاب کے بیٹے کی عیاشیوں پر بنائی گئی فلم “ورنہ” پنجاب سنسر بورڈ کی وجہ سے تاخیر کا شکار رہی۔ وفاق اور سندھ سنسر بورڈ نے تو نمائش کی اجازت دے دی تھی لیکن پنجاب سنسر بورڈ دیوار بن گیا تھا تاہم اب پنجاب سیسنربورڈ کے اعلیٰ سطحی اجلاس کے بعد یہ فیصلہ کیا گیا کہ فلم کوپنجاب میں بھی نمائش کی اجازت ہو گی۔ پنجاب میں فلم کا پرئمیر دوپہر کو دو بجے ہونا تھا جو پابندی کے باعث تاخیر کا شکار ہو گیا، پنجاب میں فلم کا پہلا شو رات 8 بجے ہو گا۔