اداکاری سے زیادہ ڈانس پسند ہے: سوہائے علی آبڑو

لاہور(ڈیلی خبر) خوبرو اداکارہ سوہائے علی آبڑو نے کہا ہے کہ مجھے ایکٹنگ سے زیادہ ڈانس کرنا پسند ہے،بہت چھوٹی عمرمیں ہی ڈانس کی تربیت لینا شروع کردی تھی۔تفصیلات کے مطابق ایک انٹرویو میں سوہائے علی آبڑو کا کہناتھا کہ میں نے اپنے فنی سفرکاآغاز تھیٹرسے کیا اورکئی برس تک اس سے وابستہ رہی، اس کے بعد میں نے ٹی وی ڈراموں میں قدم رکھا اور پھراپنی فنکارانہ صلاحیتوں کے مطابق مختلف اورمنفرد کردارنبھائے۔انہوں نے کہا کہ مجھے کسی بھی نئے پروجیکٹ میں کام کرنے کی پیشکش ہو تو میرے لیے سب سے زیادہ ضروری میرا کردار

اورسکرپٹ ہوتا ہے۔ میرے نزدیک ہالی ووڈ یا بالی ووڈ جیسی بڑی فلم انڈسٹریوں کے نام زیادہ اہمیت نہیں رکھتے بلکہ وہ پروجیکٹ زیادہ اہم ہوتا ہے جس کوکرتے ہوئے مجھے خود بھی مزہ آئے۔