’مجھے بچپن میں قاری صاحب، ڈرائیور اور خاندان کے اعلیٰ تعلیم شخص نے جنسی زیادتی کا نشانہ بنایا‘۔۔ ملک کی معروف اداکارہ کا تہلکہ خیز اعتراف

لاہور(ڈیلی خبر) معروف ٹی وی اداکارہ نادیہ جمیل بھی بچپن میں زیادتی سے متعلق بول پڑیں، کہتی ہیں کہ قاری صاحب اور ڈرائیور نے زیادتی کا نشانہ بنایا، والدین بدنامی کے ڈر سے خاموش رہے۔معروف ٹی وی اداکارہ نادیہ جمیل نے اپنے سوشل میڈیا پر جاری پیغامات میں اس بات کا اعتراف کیا ہے کہ انہیں بھی بچپن میں جنسی زیادتی کا نشانہ بنایا گیا، ان کا دعویٰ ہے کہ ان کے ساتھ پہلا برا واقعہ اس وقت پیش آیا جب وہ 4 سال کی تھیں۔

نادیہ جمیل جو اب شادی شدہ اور کئی بچوں کی ماں ہیں، نے اپنے بچپن سے متعلق انتہائی چونکا دینے والے انکشافات کئے ہیں، سوشل میڈیا پر جاری پیغامات میں انہوں نے کہا مجھے اس گھناؤنے عمل کا نشانہ قاری صاحب، ڈرائیور اور انتہائی تعلیم یافتہ اونچے گھرانے سے تعلق رکھنے والے خاندان کے قریبی شخص نے بنایا۔وہ شخص اب شادی شدہ اور لندن میں اپنا کامیاب بزنس چلا رہا ہے۔


واضح رہے کہ نادیہ جمیل کا یہ بیان قصور کی کمسن زینب کے اغواء، زیادتی اور قتل کے واقعے کے تناظر میں سامنے آیا ہے، معروف اداکارہ نے مزید کہا ہے کہ جب بھی کسی بچی یا بچے کے ساتھ زیادتی ہوگی تو وہ میں ہوں گی، اور میں کبھی خاموشی اختیار نہیں کروں گی