بھارتی اخباروں نے فیصلہ سنا یا ہے کہ میری پرفارمنس ماہرہ خان سے بہت زیادہ بہتر ہے :صبا قمر

کراچی (ڈیلی خبر )پاکستان کی معروف اداکارہ صبا قمر نے کہا ہے کہ بھارتی اخبارہندوستان ٹائمز اور پنک ویلا نے ماہرہ خان سے میرا موازنہ کرتے ہوئے فیصلہ دیا کہ میر ی پرفارمنس ماہرہ خان کی پرفارمنس سے زیادہ بہتر ہے ۔ ان کا کہنا تھا کہ بارڈر کے پار فلموںمیں کام کرنے کی خواہش صرف اسی صورت میں تھی کہ میرا کردار مرکزی اور مضبوط ہو،بصورت دیگر مجھے بالی ووڈ کی فلم میں کام کرنے کا بہت زیادہ شوق نہیں تھے ۔ان کا کہنا تھا کہ میرے ڈرامے بھارت میں بھی بہت زیادہ مقبول ہیں اور ویسے ہی دیکھے جاتے ہیں جیسے پاکستان میں لوگ دیکھتے ہیں ۔انہوں نے کہا کہ عرفان خان نے بھی یوٹیوب پر میرے ڈرامے دیکھے اور ڈائریکٹر سے میری سفارش کی ۔ایکسپریس ٹربیون کو انٹر ویو دیتے ہوئے صبا قمر نے کہا کہ جب عرفان خان کے منیجر نے مجھے پہلی بار کال کی تو مجھے لگا یہ مذاق ہے لیکن پھر کاسٹنگ ڈائریکٹر کا فون آیا جس نے اس کردار کی پیشکش کی ۔انہوں نے کہا کہ ڈائریکٹر چاہتا تھا کہ کوئی اداکارہ ایسا کام کرے جیسے کرینہ کپور نے” جب وی میٹ “میں کیا ۔اداکارہ نے کہا کہ مجھے اس وقت بہت خوشی ہوئی جب پتہ لگا کہ فلم کے ڈائریکٹر ثاقب چوہدری ہیں جنہوں نے پیار کے سائیڈ افیکٹ اور شادی کے سائیڈ افیکٹ فلم بنائی ،مجھے یقین ہے کہ یہ ٹیم کوئی اچھا ہی کام کرے گی ۔ان کا کہنا تھا کہ فلم کے ہیرو سے لے کر سپاٹ بوائے تک ساری ٹیم نے مجھے بہت عزت دی ۔صبا قمرنے کہا کہ میر ی مہمان نواز شاہانہ انداز میں کی گئی ،مجھے 5سٹار ہوٹلز میں رکھا گیا اور جس چیز کی مجھے ضرورت ہوئی وہ سب فراہم کی گئیں ۔انہوں نے کہا کہ مجھے بھارت میں کچھ عجیب نہیں لگا اور نہ ہی کسی سے ڈر لگا ،اگر میرے مقدر میں بھارت میں مرنا لکھا ہے تو میں نے وہاں ہی مرنا تھا ،عرفان خان بھی میرے بارے میں کہتے تھے کہ صبا تو چیتی ہے کسی سے نہیں ڈرتی ۔ان کا کہنا تھا کہ میں پر امید ہوں کہ پاکستان اور بھارت کے درمیان مسائل ایک دن ختم ہو جائیں گے۔صبا قمر نے کہا کہ جس طر ح میرے نخرے بھارت میں اٹھائے گئے اور مجھے ساتویں آسمان پر بٹھا یا گیا ،میں پھر سے بالی ووڈ دو دو ہاتھ جاﺅں گی۔اداکارہ نے کہا کہ فلم کی عسکبندی کے دوران میں اکثر عرفان خان سے اپنے شارٹ کے بارے میں پوچھتی تو وہ کہتے کہ تم میرے سے کیوں پوچھ رہی ہو،تم تو مجھ سے بھی آگے نکل رہی ہو اور میںعرفان کو جواب میں یہ کہتی کہ آپ میری کٹ لگا رہے ہیں ۔