کام کی مصروفیات یا کچھ اور،عدنان صدیقی نے ہالی ووڈ سے کام سے معذرت کر لی

کراچی(ڈیلی خبر) اداکارعدنان صدیقی نے مصروفیات کے باعث ہالی ووڈ سے پیشکش کوقبول کرنے کے بجائے بالی وڈ فلم سائن کرنے پر غور شروع کردیا۔میڈیا سے گفتگوکرتے ہوئے عدنان صدیقی کا کہنا تھا کہ ہالی ووڈ میں کام کرنا تو ہر کسی کا خواب ہوتا ہے۔ مجھے بھی ایک پروجیکٹ میں دلچسپ کردار آفر ہوا ہے لیکن میں ڈراموں اور دیگر پروجیکٹس کی شوٹنگز کے باعث اتنا مصروف ہوں کہ مجھے ہالی وڈ کا پروجیکٹ چھوڑنا پڑا لیکن دوسری جانب بالی ووڈ کی طرف سے ہونے والی آفرکومیں نے قبول کرلیا ہے، یہ پروجیکٹ دو ماہ بعد شروع ہوگا۔

ور سٹائل اداکار نے بالی ووڈ میں ”موم“میں سری دیوی کے مدمقابل کام کیا تھا،جسے بے حد پذیرائی ملی تھی۔