عالمی شہرت یافتہ برازیلین اسٹار نیمار جونیئر نے بارسلونا کو چھوڑنے کا اعلان کردیا
Banner

بارسلونا (ڈیلی خبر)عالمی شہرت یافتہ برازیلین اسٹار نیمار جونیئر نے بارسلونا کو چھوڑنے کا اعلان کردیا ہے۔نیمار 222ملین یوروز کی ریکارڈ فیس کے ساتھ فرانس کے کلب پیرس سینٹ جرمین کا حصہ بنیں گا اور انہیں نے بارسلونا کو کلب چھوڑنے کے حوالے سے اپنے عزائم سے آگاہ کردیا ہے۔بارسلونا نے ٹرانسفر کی تصدیق کرتے ہوئے کہا کہ نیمار جونیئر، ان کے والد اور ایجنٹ نے کلب آفس میں منعقدہ اجلاس میں بارسلونا فٹبال کلب کو فیصلے سے آگاہ کردیا ہے۔اکتوبر میں نیمار نے بارسلونا سے ایک نیا معاہدہ کیا تھا جس کی رو سے انہیں 2021 تک کلبکا حصہ رہنا تھا جس میں انہیں خریدنے کی فیس دگنے سے زیادہ کر دی گئی تھی جو فٹبال کی تاریخ کی سب سے بڑی ٹرانسفر فیس تھی۔نیمار جونیئر 2013 میں سینٹوس کلب چھوڑ کر بارسلونا کا حصہ بنے تھے اور اس وقت ان کی ٹرانسفر فیس 57ملین یوروز تھی تاہم بعد میں انکشاف کیا گیا تھا کہ یہ تقریباً 100ملین یوروز تھی۔میڈیا رپورٹس کے مطابق نئے معاہدے کے تحت نیمار کو چھ سالہ معاہدے کے تحت ہر ہفتے پانچ لاکھ 50ہزار یوروز سے زائد ملیں گے۔