’ہاں میں پانچ لاکھ ڈالر لے کر میچ ہارا‘۔۔۔پاکستانیوں کے پسندیدہ کھلاڑی نے میچ فکسنگ کا اعتراف کرلیا

لاہور (اسپورٹس ڈیسک ) کراٹے کے گرینڈ ماسٹر اشرف طائی نے 34 سال بعد میچ فکسنگ کا اعتراف کرلیا ،کہتے ہیں کہ 5لاکھ ڈالرز لیکر میچ ہاراتھا۔۔تفصیلات کے مطابق پرائڈ آف پرفارمنس حاصل کرنے والے کراٹے چیمپئن اشرف طائی بھی میچ فکسر نکلے ،میڈیا سے گفتگو کرتے ہوئے انہوں نے اس بات کا اعتراف کیا کہ 1983ء میں جرمنی کے ہاورڈ جیکسن کے خلاف لڑی جانیوالی فائٹ5 لاکھ ڈالرز میں فکس تھی، جرمن کھلاڑی سے جیتتا تو ایک لاکھ ڈالر زملتے مگر ہارنے پر 4 لاکھ ڈالرز کی پیشکش ہوئی تھی۔اشرف طائی کا مزیدکہنا تھا کہ انہیں اس پر کوئی شرمندگی نہیں کیوں کے یہ لڑائی ٹائٹل یا ملک کے لیے نہیں تھی ، میں نے ہارنے کے لیے مار کھائی جس پر مجھے 5لاکھ ڈالرز ملے