یہ ہوتی ہے عقل مندی: عامر خان نےفریال سے صلح کے بعد اہم ٖفیصلہ کر لیا
Banner

لندن(اسپورٹس ڈیسک)پاکستانی نژاد برطانوی باکسر عامر خان نے اہلیہ فریال مخدوم کے ساتھ تعلقات دوبارہ بحال ہونے کے بعد اپنی 1.2 ملین پاؤنڈز (16 کروڑ 64 لاکھ پاکستانی روپوں سے زائد) مالیت کی رہائش گاہ کو فروخت کرنے کا فیصلہ تبدیل کرلیا۔ گزشتہ کافی عرصے سے عامر اور ان کی اہلیہ فریال مخدوم کے درمیان کافی غلط فہمیاں اور تنازعات منظر عام پر آئے تھے۔

جس پر عامر نے اہلیہ سے علیحدگی کا اعلان کیا تھا، اسی دوران انہوں نے اپنی رہائش گاہ کو بھی فروخت کرنے کا فیصلہ کیا، جس کے لیے ایک ویب سائٹ پر اشتہار دیا گیا تھا، تاہم اب انہوں نے اپنا ارادہ بدل لیا ہے۔عامر خان کی رہائش گاہ ان کی آبائی گھر سے 3 میل کی دوری پر واقع ہے، جو کسی محل سے کم نہیں ہے۔2 ہزار 80 اسکوائر فٹ پر مشتمل فرنٹ سے شیشوں سے مزین اس وسیع و عریض گھر میں 4 بڑے کمرے، 3 بڑے باتھ روم، ڈائننگ روم، کچن، سوئمنگ پول، اسنوکر کلب اور جم وغیرہ موجود ہے۔ واضح رہے کہ پاکستانی نژاد برطانوی باکسر عامر خان نے طویل عرصے سے جاری کشیدہ تعلقات کے باعث رواں برس اگست میں اپنی اہلیہ پاکستانی نژاد امریکی ماڈل فریال مخدوم سے علیحدگی اختیار کرنے کا اعلان کیا تھا۔ باکسر عامر خان نے اہلیہ کے ساتھ تعلقات کو ختم کرنے کا اعلان کرتے ہوئے فریال مخدوم اور برطانوی باکسر اینتھونی جوشوا کے درمیان مبینہ روابط کا الزام بھی عائد کیا تھا۔ بعد ازاں یہ خبریں بھی آئیں کہ فریال مخدوم نے عامر خان کو منانے کی کوششیں بھی کیں، مگر وہ ناکام رہیں۔ دونوں کے درمیان علیحدگی کے 2 ہفتے بعد یہ خبر بھی سامنے آئی کہ فریال عامر کے بچے کی ماں بننے والی ہے۔