”میں پی ایس ایل میں اس لئے نہیں کھیل رہا کیونکہ۔۔۔“ عمران نذیر بالآخر میدان میں آ گئے، پی ایس ایل میں شریک نہ ہونے کی وجہ بتا کر پاکستانیوں کو غمزدہ کر دیا
Banner

لاہور (ڈیلی پاکستان آن لائن) مایہ ناز بلے باز عمران نذیر پاکستان سپر لیگ (پی ایس ایل) کے تیسرے ایڈیشن میں شامل نہ ہونے کے معاملے پر خود ہی میدان میں آ گئے ہیں اور ایسی وجہ بتا دی ہے کہ جان کر ان کے مداحوں کے ہاتھ دعا کیلئے بلند ہو جائیں گے۔

نجی ٹی وی اے آر وائی سے گفتگو کرتے ہوئے عمران نذیر نے کہا کہ ” مجھے انجری ہوئی تھی اور گزشتہ چار سال سے میں کرکٹ نہیں کھیل رہا تھا اس لئے فٹنس کا بھی مسئلہ تھا تاہم اب معاملات بہت بہتر ہو چکے ہیں۔
اگلے ہفتے سے کرکٹ کی ٹریننگ کا آغاز کر رہا ہوں جس دوران دیکھوں گا کہ میں کھیلنے کے قابل ہوں یا نہیں اور اگر کھیلنے کے قابل ہوا تو ضرور کھیلوں گا۔
پی ایس ایل میں شامل نہ ہونے کی وجہ صرف اور صرف فٹنس ہے اور ابھی ٹورنامنٹ شروع ہونے میں 3 سے 4 مہینے باقی ہیں اور اگر اس وقت تک میں فٹ ہو گیا تو انشاءاللہ ضرور کھیلوں گا۔“