میشا شفیع کے علی ظفر پر الزامات کی اصل حقیقت کیا؟ عینی شاہد نامور حسینہ نےخاموشی توڑتے ہوئے بڑا انکشاف کر دیا

کراچی (ویب ڈیسک) نامور پاکستانی گلوکارہ میشا شفیع کی جانب سے علی ظفر پر لگائے جانے والے جنسی ہراسانی کےالزامات میں ہر روز نیا موڑ آرہا ہےواقعہ کے وقت جیم سیشن میں موجود پاکستانی ماڈل و گلوکارہ اقصیٰ علی نےمیشا کے الزامات سے پردہ اٹھاتے ہوئے سنسنی خیز انکشافات کیے ہیں۔
نامور پاکستانی ماڈل و گلوکارہ اور علی ظفر کی بینڈ ممبر اقصیٰ علی نے بھی علی ظفر کی حمایت میں آواز اٹھاتے ہوئے کہا میشا شفیع جس جیم سیشن کی بات کررہی ہیں جہاں وہ دونوں اپنی پرفارمنس کی پریکٹس کررہے تھے، میں بھی وہیں موجود تھی اور صرف میں نہیں بلکہ وہاں کافی لوگ موجود تھے۔اقصیٰ علی نے اپنی انسٹاگرام پوسٹ میں لکھا علی ظفر اور میشا شفیع کی کہانی میں ہر گزرتےمنٹ کے ساتھ نیا موڑ آرہا ہے، میشا کا آرٹیکل پڑھ کے میں حیرت زدہ رہ گئی، میشا نے اپنی پوسٹ میں کہا ہےکہ ان کے ضمیر نے انہیں اجازت نہیں دی کہ وہ مزید اس معاملے پر خاموش رہیں لہٰذا میں بھی چپ نہیں رہوں گی، میں اس وقت کنسرٹ کے عملے کا حصہ تھی اور اس وقت جیم سیشن میں ہی تھی کیونکہ میں علی کے بینڈ میں گلوکاری کررہی تھی، میرے علاوہ وہاں میشا کے مینجر اور پورا بورڈ موجود تھا۔ میں یہ دیکھ کر حیران رہ گئی کہ میشا آخر اتنا جھوٹ کیوں بول رہی ہیں، جب کہ مجھ سمیت بہت سارے لوگ انہیں غلط ثابت کرسکتے ہیں۔ ہمارے پاس اس سیشن کی تصاویر موجود ہیں۔