نوازشریف کیخلاف العزیزیہ سٹیل ملز ریفرنس،احتساب عدالت نے بیگم کلثوم نواز کی وفات کے باعث حیران کن فیصلہ سنا دیا

اسلام آباد(مانیٹرنگ ڈیسک)بیگم کلثوم نواز کی وفات کے باعث احتساب عدالت نے سابق وزیراعظم نواز شریف کیخلاف العزیزیہ سٹیل ملز ریفرنس کی سماعت کل تک ملتوی کردی ۔نجی ٹی وی کے مطابق العزیزیہ سٹیل ملز ریفرنس کی سماعت احتساب عدالت کے جج محمد ارشد ملک نے کی۔نواز شریف کے وکیل خواجہ حارث نے موقف اپنایا کہ بدقسمتی سے نوازشریف کی اہلیہ کاانتقال ہوگیا ہے اورآج صبح معلوم ہواکہ نوازشریف کو پیرول پررہائی کے بعدلاہور لےجایاگیاہے،کلثوم نواز وینٹی لیٹر پر تھیںجب نواز شریف واپس آئے،ان کی غیرحاضری میں عدالتی کارروائی چلانے کی ہدایات نہیں ملیں، نوازشریف سے ہدایات لےکرکل عدالت کوآگاہکردوں گا۔ احتساب عدالت کے جج نے استفسار کیا کہ نوازشریف کی روبکارکہاں ہے؟جس پرعدالتی سٹاف نے آگاہ کیا کہ روبکارابھی تک نہیں آئی۔احتساب عدالت کا کہنا تھا کہ جیل سے روبکارآئے توپتہ چلے اس میں کیالکھاہے۔احتساب عدالت نے ریمارکس دیئے کہ یہ باتیں نیشنل میڈیا میں بھی رپورٹ ہوئی ہیں، کلثوم نواز قومی شخصیت تھیں، آج کارروائی چلانا مناسب نہیں۔