مستونگ میں دہشتگردی جنرل باجوہ میدان میں آگئے، ایسا کام کردیا کہ پوری قوم کے دل جیت لیے

کوئٹہ (ڈیلی خبر) پاک فوج کے سپہ سالار جنرل قمر جاوید باجوہ بلوچستان کے دارلحکومت کوئٹہ پہنچ گئے، وہ گزشتہ روز خود کش حملے میں شہید ہونیوالے نوابزادہ سراج خان رئیسانی کی نماز جنازہ میں شرکت کریں گے ۔مقامی میڈیا کے مطابق جنرل باجوہ رئیسانی کی نماز جنازہ میں شرکت کے علاوہ سی ایم ایچ کوئٹہ میں دھماکے کے زخمیوں کی عیادت بھی کریں گے ۔ آرمی چیف کی آمد سے قبل کمانڈر سدرن کمانڈ لیفٹیننٹ جنرل عاصم سلیم باجوہ اور آئی جی ایف سی میجر جنرل ندیم انجم نے ساروان ہائوس پہنچ کر شہید سراج رئیسانی کے بھائیوں سے سانحہ مستونگ پر اظہار افسوس کیا ۔جنرل عاصم سلیم باجوہ نے اسلم رئیسانی اور لشکری رئیسانی سے بھی ملاقات کی اور ان سے بھی تعزیت کی ۔یادرہے کہ گزشتہ روز دھماکے کی میڈیا کوریج کی بجائے سابق وزیراعظم کی گرفتاری کی کوریج کو ترجیح دیئے جانے پر بلوچ رہنماؤں اور سابق صوبائی وزیرداخلہ سرفراز بگٹی نے تحفظات کا اظہار بھی کیا۔