سنگین غداری کیس خصوصی عدالت نے پرویز مشرف پر بجلیاں گرادیں،دھماکہ خیز حکم جاری

اسلام آباد(مانیٹرنگ ڈیسک)سابق صدر پرویز مشرف کے خلاف سنگین غداری کیس میں خصوصی عدالت نے 9اکتوبرسے کیس کی روزانہ سے سماعت کا فیصلہ کرتے ہوئے سماعت ملتوی کر دی۔نجی ٹی وی کے مطابق سابق صدر پرویز مشرف کے خلاف سنگین غداری کیس کی سماعت خصوصی عدالت میں جسٹس یاور علی اور جسٹس نذراکبر نے کی جبکہ جسٹس طاہرہ صفدر آج کی سماعت میں بھی موجود نہیں تھیں۔جسٹس یاور علی نے ریمارکس دیئے کہ سنگین غداری کیس میں تمام شہادتیں ریکارڈ ہوچکی ہیں۔

نصیرالدین نیئر دلائل دینگے کہ ملزم کا بیان ریکارڈ نہ ہوتو مقدمہ کیسے آگے چلے گا اورنصیرالدین نیئر یہ بھی دلائل دینگے کہ ملزم کا 342کا بیان اسکائپ پر ریکارڈ ہوسکتاہے؟انہوں نے سوال کیا کہ حکومت ملزم کوعدالت میں پیش کرنے کے لئے کیا اقدامات کررہی ہے؟جس پر نمائندہ وزارت داخلہ نے موقف اپنایا کہ انٹرپول کے ذریعے پرویزمشرف کی گرفتاری کی درخواست کی گئی تھی، جسٹس یاور نے ریمارکس دیئے کہ وزارت داخلہ آئندہ سماعت پر تحریری طور پر بتائے ملزم کو پیش کرسکتے ہیں یا نہیں۔